Bilang ng mga pasahero ng MS Superstar Aquaruis, inilabas na ng DOT-Boracay

Posted November 4, 2014

Ni Bert Dalida YES FM Boracay

Mahigit pitong daan ang pasahero ng MS Superstar Aquarius na darating sa isla ng Boracay sa November 6, araw ng Huwebes.

Base sa record ng DOT-Boracay Sub-Office, 769 ang kabuuang pasahero ng barko na pinangungunahan ng Hong Kong.

Lulan din ng MS Super Star Aquarius ang 1,051 na crew na may 657 Non-Philippine Crew at 394 Philippine Crew.

Kinumpirma naman ni Jetty Port Administrator Niven Maquirang na pangatlong beses nang pabalik-balik ang nasabing barko sa isla ng Boracay.

Samantala, muli ring pinaghandaan ng mga taga Philippine Coastguard, Maritime Police, DOT-Boracay at iba pang ahensya ang pagdating ng barko sa isla na unang dumating sa Hong Kong kahapon, November 4-5 sa Manila, at November 6 naman sa isla ng Boracay.