Pagsugpo sa ipinagbabawal sand castle sa Boracay, kasama sa programa ng BRTF

Posted April 24, 2014

Ni Bert Dalida, YES FM Boracay

Kasama sa programa ng BRTF ang pagsugpo sa ipinagbabawal na sand castle sa Boracay.

Ito ang pinasiguro ngayon ni Boracay Redevelopment Task Force (BRTF) Chairman at Boracay Island Administrator Glenn Sacapaño, kaugnay sa halos gabi-gabi nilang pagpatrolya sa beach front ng Boracay nitong nakaraang Semana Santa.

Talamak parin kasi ngayon ang paggawa ng sand castle sa Boracay sa kabila ng halos araw-araw na paalala ng mga taga Municipal Auxiliary Police (MAP) sa mga batang gumagawa nito.

Subali’t iginiit ni Sacapaño na para din sa seguridad ng mga turista sa isla ang layunin ng BRTF.

Samantala, nabatid na gabi-gabi ring minomonitor ng BRTF ang mga establisemyento sa Boracay kaugnay sa implementasyon ng anti-noise pollution ordinance at 25+5 meter easement.

Kasama naman sa pagpapatrolya ng BRTF ang mga taga Boracay PNP, MAP, Barangay Tanod, at iba pang katuwang ng mga law enforcers sa isla.