DOT Accreditation, may paalala sa mga negosyante sa Boracay

Posted October 12, 2016

Ni Inna Carol L. Zambrona, YES FM Boracay

Muling iginiit ng DOT Accreditation sa mga negosyante sa Boracay na magpa-accredit ng kanilang mga negosyo upang madali nila itong mamarket.

Ayon kay DOT Boracay Sub-Office Tourism Assistant Kristoffer Leo Velete, mas mahalaga umanong maging bahagi ng kanilang serbisyo kung saan kasama na rito ang pagtaas ng antas ng isang negosyo sa mga turista sa pamamagitan ng accreditation.

Nabatid, na ang accreditation mula sa DOT ang magpapatunay na nakapasa sa standard ng Department of Tourism ang pasilidad o serbisyo ng isang tourism enterprise.

Samantala, nagpaalala naman ngayon si Velete sa mga hotel and owners na magrenew na ng kanilang accreditation at ang mga hindi pa nakapagpa-accredit ay pumunta lang ng kanilang opisina.

Samantala, ang aktibidad ng DOT ay nagbibigay ng sapat na kaalaman tungkol sa online accreditation, ang mga benipisyo nito at insentibo.