Construction worker, umano’y pinagtangkaang patayin ng mga kapwa construction workers; suspek, nagreklamo din

Posted December 9, 2014

Ni Gloria Villas, YES FM Boracay

Dumulog sa himpilan ng BTAC kanina ng madaling araw ang isang 31 anyos na construction worker matapos na umano’y pinagtangkaan itong patayin ng kapwa nya mga construction workers.

Sumbong sa BTAC ng biktimang si Ronnie Jacosalem, nakita nito ang dalawa nyang kasamahang construction workers na sina Joel Caadlawon, 37 anyos at Vincent Hison, 22 anyos sa labas ng kanilang barracks.

Anya, hawak-hawak di umano ni Joel ang isang kutsilyo at tubo habang dala-dala naman ni Vincent ang isang bara.

Nang magtagpo ay isang mainit na argumento di umano ang namagitan sa kanila, kung saan tinangka syang saksakin ng suspek na si Joel subalit nakailag umano ito.

Samantala, kaagad naman umanong inagaw ng iba  pa nilang kasamahan doon ang kutsilyo mula sa suspek na naging dahilan naman upang magkaroon ang suspek ng sugat sa kanyang daliri at iba pang bahagi ng katawan.

Nahaharap naman ngayon ang dalawang akusado sa kasong attempted homicide.

Sa kabilang banda, kaninang madaling araw ay nag-reklamo din sa BTAC ng physical injury ang isa sa mga nasabing suspek na si Joel Caadlawon.

Ayon sa blotter report ng BTAC, sinabi ni Joel na kasama umano nito ang isa pang construction worker na si Vincent sa loob ng isang discohan sa Manoc-Manoc Boracay nang pagsabihan umano nito ang kanyang pamangkin na si Noel na umayos sa pagkilos.

Subalit, bigla na lamang di umanong  kwinelyuhan ang kanyang pamangkin ni certain “Leo” kaya naman para makaiwas ng gulo ay umuwi na lamang umano itong si Joel sa kanilang bahay.

Nang sa labas na ng kanilang barracks, hihingi sana umano sila ng despensa sa grupo nina Leo, subalit hinamon umano sila ng away at binugbog na naging dahilan kaya nagkaroon sya ng mga sugat sa katawan.

Patuloy naman sa ngayon na iniimbestgahan ng BTAC ang nasabing insidente.