Diskwento para sa 2015 General Revision of Real Properties, aprobado na sa SP Aklan

Posted November 20, 2014

Ni Gloria Villas, YES FM Boracay

Aprobado na sa 40th SP Regular Session ang pagbibigay ng 20% discount sa mga taxpayers na magbabayad ng advance para sa 2015 General Revision of Real Properties.

Nabatid na ang nasabing panukala ay hiniling ni Gov. Joeben Miraflores matapos maisapinal ang pagpapatupad ng mga bagong bayarin sa buwis.

Samantala, ang bagong Base Market Values of Real Properties para sa 17 municipalities sa Aklan ay magiging epektibo sa Enero 2015.

Kasama naman sa mga inaprubahan ng SP ang special base market valuation sa mga resort sa isla ng Boracay at Metro Kalibo.

Ang inaprubahan ng SP Aklan ay ang sya ring binagong iskedyul mula sa orihinal na panukala ng opisina ng Provincial Assessor, kung saan ang antas ng bayarin sa buwis ay binawasan sa pag-iintindi ng mga hinaing at opinyon ng mga negosyante mula sa Kalibo at Boracay.

Una namang ipinaliwanag ni Provincial Assessor Kokoy Soguilon na nakasaad sa Section 219 ng Local Government Code o base sa Republic Act No. 7160, na dapat magkaroon ng General Tax Revision of Real Properties ang lokal na pamahalaan kada tatlong taon.