Posted September 2, 2014
Ni Bert Dalida, YES FM Boracay
Pinangangambahang kumalat sa dalampasigan ang krudong
tumagas mula sa lumubog na bangka sa station 1 Balabag nitong umaga.
Ayon sa ilang mga boat man doon, nakita nilang
maayos pa ang bangka kaninang alas 5 ng umaga kahit iniwan umano ito ng boat
captain kagabi.
Subali’t nagtaka umano ang mga ito, maging ang boat
captain kung bakit lumubog ang bangka.
Duda naman ang mga boat man na may kung anong
tumama sa bangka dahilan upang masira ang bahagi nito at pasukin ng tubig
hanggang lumubog, dahil sa natagpuang piraso nito sa dalampasigan.
Samantala, inatasan na rin ng Philippine Coastguard
ang kapitan ng bangka na alisin ito doon upang ayusin at muling inspeksyunin ng
MARINA.
Nabatid na isang 25 pax capacity ang lumubog na
bangka ng Channy Dive Center na pagmamay-ari ng isang dayuhang negosyante sa
isla.
No comments:
Post a Comment