Mga schedule of activities ng HRP Boracay para sa Semana Santa, kasado na

Posted April 8, 2014

Ni Jay-ar M. Arante, YES FM Boracay

www,goggle.com

Kasado na ang mga schedule of activities ng HRP o Holy Rosary Parish Boracay para sa Semana Santa.

Katunayan, inaasahang dadagsa na naman ngayong Linggo ang mga debotong Katoliko sa Balabag plaza para sa palaspas o Blessing of the Palms bandang alas 7:00 ng umaga na susundan naman ng isang misa.

Sa mga taga Yapak, isang misa din ang gaganapin sa alas 6:00 ng umaga pagkatapos ng palaspas, habang alas 8:30 naman sa Manoc-manoc Chapel.

Isang kumpisalang-bayan din ang magaganap pagkatapos ng misa sa araw ng Martes Santo sa alas-otso ng umaga, kung saan may paring darating mula sa iba’t-ibang parokya na tutulong sa pagpapakumpisal.

Sa Holy Thursday o Huwebes Santo, isang misa ang isasagawa para sa Last Supper, samantalang sa araw naman ng Biyernes o Good Friday, isang Live Station of the Cross ang masasaksihan ng mga turista mula sa beach front ng Brgy. Manoc-manoc hanggang sa Brgy. Balabag.

Samantala sa Abril-19, Black Saturday, isang Vigil Mass din ang gaganapin sa nasabing simbahan at sa araw ng Linggo o Eastern Sunday ang pagsalubong o paggunita sa araw ng muling pagkabuhay ni Kristo Hesus.

Inaasahan naman ng HRP-Boracay na maraming mga Katoliko ang makikilahok sa mga nasabing aktibidad, hindi lang ang mga mamamayan sa isla kundi maging mga turista na dadayo sa Boracay ngayong Semana Santa.