Swiss National, nilooban ng magnanakaw sa Boracay

Posted December 28, 2015

Ni Inna Carol L. Zambrona, YES FM Boracay

Dumulog sa Boracay PNP station ang turistang Swiss National matapos umanong akyatin at pagnakawan ito sa kanyang kwartong inuupahan sa Sitio Bolabog, Brgy. Balabag, Boracay, Malay, Aklan.

Sumbong ng turistang si Daniel Arnold Ruegg 53- anyos sa mga pulis, lumabas umano sila ng kanyang asawa para dumalo sa isang meeting at para kumain ngunit sa pagbalik ng mga ito sa nasabing kwarto ay nawawala na ang kanilang bag kung saan nakalagay ang pera nitong nagkakahalaga ng P76,000 at ang kanyang Pocket wifi.

Agad naman pinuntahan ng mga pulis ang nasabing lugar at sinasabing sa bintana ng kwarto dumaan ang hindi nakilalang suspek.