Posted March 16, 2015
Ni Jay-ar M. Arante, YES FM Boracay
Kinumpirma umano ng Wallem Philippines na muling
babalik sa isla ng Boracay ang cruisehip na MS Celebrity Century bukas ng hapon.
Ito ang sinabi ni Special Operation Officer III
Jean Pontero ng Caticlan Jetty Port matapos na bumisita ang nasabing barko
nitong nakaraang Pebrero-3 sa Boracay.
Ayon kay Pontero inaasahan umano nilang magdadala
ito ng mahigit sa dalawang libong pasahero mula sa ibat-ibang bansa para sa
tour nito sa Boracay.
Sinabi din nito na doble ang kanilang ipapatupad na
seguridad simula sa Cagban Jetty Port hanggang sa white beach area kung saan
mag-iikot ang mga sakay nitong pasahero.
Nabatid naman magtatagal ang barko sa Boracay ng
walong oras kung saan inaasahan ang pagdating nito bukas ng ala-ona ng hapon
hanggang alas-otso ng gabe.
Napag-alaman na ang Wallem Philippines ang siyang
may hawak ng tour ng naturang barko sa Pilipinas kung saan ilang malalaking
barko na rin ang kanilang dinala sa isla ng Boracay nitong mga nakaraang taon.
No comments:
Post a Comment