Aklan Vice Governor Billie Calizo Quimpo, gustong paalisin sa pwesto ni SP Mayor

Posted June 25, 2014

Ni Gloria Villas, YES FM Boracay

Nagngingitngit si Aklan Sangguniang Panlalawigan (SP) Member Rodson Mayor dahil hindi sya nakapagbigay ng kanyang privilege speech sa SP Session nitong umaga.

Ito’y matapos na wala kasi doon si Aklan Vice Governor Gabrielle Calizo-Quimpo na sya umano sanang puntirya nito sa kanyang privilege hour.

Sa ginanap na 21^st Regular Session kanina ng SP Aklan, hiniling ni SP Member Mayor na e-reserve nalang muna ang kanyang privilege hour sapagkat ang laman ng kanyang pagsasalita ay nagsasabi at humihiling sa Bise Gobernador na ito’y mag-resign sa pwesto.

Naging basehan ni SP Mayor ang umano’y, nagkaroon ng “betrayal of public trust” at nilabag ng Bise Gobernador ang 30 days period na hindi dapat ma-interrupt ng anumang aksyon sa mga referrals ng committee meetings/hearings, public hearings, period of debates, amendments at iba pa pang mga dokumento na sakop ng batas ng DILG.

Samantala, nabatid naman na si Vice Governor Gabrielle Calizo- Quimpo ngayon ang naging OIC ni Governor Florencio Miraflores kaya’t wala ito kanina sa session.

Umaasa naman ang iba pang mga myembro ng konseho na mapapanatili parin ang pagkakaisa sa probinsya para sa kaunlaran ng lahat.