“No choice naman kami.”
Ito ang sinabi ng taga Frost Fire Dancers group sa Boracay tungkol sa pagpuna ng DOT o Department of Tourism sa gas na ginagamit nila sa kanilang aktibidad.
Sa pakikipanayam ng himpilang ito kagabi kay Aragon, spokesperson ng nasabing grupo, iginiit nito na wala na siyang ibang alam sa kung anong klaseng gas pa ang pwedeng ipalit sa gas na ginagamit nila.
May kamahalan din umano kasi ang gas na ginagamit sa mga international fire dancing.
Ito’y matapos sinabi ni Boracay DOT Officer In Charge Tim Ticar na hahanapan nila ng paraan upang hindi na gumamit pa ng gas ang mga fire dancers na ito.
Magkaganoon pa man, sinabi pa ni Aragon na maganda ang naging suhestiyon ng DOT para sa kanila.
Samantala, bagama’t aminado itong may mga nagrereklamo naman talaga sa masamang amoy ng gas na dulot ng kanilang aktibidad, tiniyak naman ni Aragon na hindi sila pakalat-kalat sa tuwing magpi-perform, dahil binabantayan din sila ng mga taga MAP o Municipal Auxiliary Police.
Nililigpit din naman umano nila ang kanilang mga gamit pagkatapos.
Matatandaang kamakailan lang ay pinuna ng DOT sa isang press conference sa Boracay ang aktibidad ng mga fire dancers sa isla, dahil pinaniniwalaang polusyon na maaaring dulot nito.
No comments:
Post a Comment